لکی مروت میں پولیس اور سیکیورٹی فورسز کا مشترکہ آپریشن، ٹی ٹی پی کمانڈر سمیت 3 دہشت گرد ہلاک

لکی مروت (نمائندہ ڈیلی اردو) صوبہ خیبر پختونخوا کے ضلع لکی مروت میں پولیس اور سیکیورٹی فورسز کے مشرکہ طور پر کارروائی کے دوران کالعدم تنظیم تحریک طالبان پاکستان سے وابستہ کمانڈر سمیت 3 دہشت گرد مارے گئے۔

تفصیلات کے مطابق لکی مروت میں پولیس اور سیکورٹی فورسز نے لکی مروت میں مشترکہ طور پر آپریشن کرتے ہوئے کالعدم تنظیم پاکستان کے ٹیپو گل مروت گروپ کا انتہائی مطلوب کمانڈر زبیر دو ساتھیوں سمیت ہلاک ہوگیا۔

آئی جی خیبرپختونخوا اختر حیات نے تصدیق کرتے ہوئے بتایا کہ آپریشن میں کالعدم تنظیم کمانڈر زبیر دو ساتھیوں سمیت مارا گیا ہے۔ انکا مزید کہنا تھا کہ ہلاک دہشتگرد پاک فوج اور پولیس پر حملوں میں ملوث تھے۔ دہشتگرد کمانڈر زبیر کی سر کی قیمت 50 لاکھ روپے مقرر تھی۔