ماسکو: پاکستانی وزیراعظم عمران خان کی روسی صدر پوٹن سے اہم ملاقات

ماسکو (مانیٹرنگ ڈیسک) پاکستانی وزیر اعظم عمران خان کی روسی صدر ولادیمیر پوٹن کے ساتھ ملاقات ہوئی ہے۔ عمران خان ایک ایسے وقت پر روس کے دورے پر ہیں جب روس نے ہمسایہ ملک یوکرائن میں بڑے پیمانے پر فوجی کارروائی کا آغاز کر دیا ہے۔

#Kremlin: Vladimir Putin met with Prime Minister of Pakistan Imran Khan, who is in Russia on a working visit https://t.co/jrvKVN0fzX pic.twitter.com/WF7aupsZau

— President of Russia (@KremlinRussia_E) February 24, 2022

تفصیلات کے مطابق پاکستان کے وزیر اعظم عمران خان اور روسی صدر ولادی میر پیوٹن کے درمیان دوطرفہ ملاقات ہوئی جہاں توانائی سمیت دوطرفہ امور اور علاقائی پیش رفت سے متعلق ایجنڈے پر گفتگو کی گئی۔

Prime Minister @ImranKhanPTI holds one-on-one meeting with Russian President Vladimir Putin @KremlinRussia_E #PMIKinRussia pic.twitter.com/lzeG7ZWr6y

— Prime Minister's Office (@PakPMO) February 24, 2022

کریملن نے بتایا کہ دونوں رہنماؤں نے دوطرفہ تعاون کے مرکزی پہلووں پر تبادلہ خیال کیا اور جنوبی ایشیا میں ترقی کے موضوع سمیت خطےکی صورت حال پر بھی بات کی۔

ریڈیو پاکستان کے مطابق دونوں رہنماؤں نے اقتصادی اور توانائی کے تعاون بالخصوص پاکستان اسٹریم گیس پائپ لائن سمیت دوطرفہ تعلقات کے تمام پہلوؤں کا جائزہ لیا۔

دوران ملاقات یوکرین اور روس کے درمیان جاری کشیدگی کے ساتھ ساتھ علاقائی صورتحال بھی زیر بحث آئی۔

روسی صدر نے وزیر اعظم عمران خان کے لیے ظہرانہ بھی دیا۔

پیوٹن سےملاقات کے بعد وزیراعظم عمران خان سے روس کے نائب وزیراعظم الیگزینڈر نوواک اور توانائی کے وزیر نیکولے شیلگینوف نے ایک وفد کےہمراہ ملاقات کی۔

Deputy Prime Minister Alexander Valentinovich Novak and Minister of Energy of the Russian Federation Mr. Nikolay Shulginov calls on Prime Minister @ImranKhanPTI along with delegation#PMIKInRussia pic.twitter.com/aosvW2zrTV

— Prime Minister's Office (@PakPMO) February 24, 2022

اس سے قبل کریملن پہنچنے پر روسی صدر نے وزیراعظم اور ان کے وفد کا پرتپاک استقبال کیا۔

وزیر اعظم کے ہمراہ جانے والے وفد میں وفاقی وزرا شاہ محمود قریشی، فواد چوہدری، اسد عمر، حماد اظہر، مشیر تجارت عبدالرزاق داؤد، مشیر برائے قومی سلامتی معید یوسف اور رکن قومی اسمبلی عامر محمود کیانی بھی شامل ہیں۔

یہ 23 سال کے وقفے کے بعد کسی بھی پاکستانی وزیر اعظم کا روس کا یہ پہلا دو طرفہ دورہ ہے اور اسے دونوں ممالک کے درمیان تعلقات کی تجدید کے لیے ایک تاریخی قدم قرار دیا جا رہا ہے۔

ملاقات سے قبل وفاقی وزیر اطلاعات فواد چوہدری نے سماجی رابطوں کی ویب سائٹ ٹوئٹر پر بتایا تھا کہ وزیر اعظم عمران خان روسی صدر پوٹن سے ملاقات کے لیے ہوٹل سے روانہ ہو گئے ہیں۔

وزیر اعظم عمران خان روسی صدر پوٹن سے ملاقات کیلئے ہوٹل سے روانہ ہو گئے ہیں

— Ch Fawad Hussain (@fawadchaudhry) February 24, 2022

انہوں نے مزید بتایا کہ صدر سے ملاقات کے بعد وزیراعظم عمران خان سے ملنے کے لیے روس کے ڈپٹی وزیر اعظم ہوٹل میں آئیں گے جہاں وزیر اعظم اور ان کا وفد رہائش پذیر ہے۔

ریڈیو پاکستان کی رپورٹ میں کہا گیا تھا کہ وزیراعظم عمران روسی صدر سے ملاقات کے دوران بین الاقوامی اور علاقائی امور پر تبادلہ خیال کریں گے اور دونوں رہنما دوطرفہ تعلقات بالخصوص توانائی کے شعبے میں تعاون پر بھی بات چیت کریں گے۔

دوران ملاقات اسلاموفوبیا اور افغانستان کی صورتحال سے متعلق امور بھی زیر بحث آسکتے ہیں۔

A meeting between PM @ImranKhanPTI and Russian President Vladimir Putin is in progress at Kremlin, Moscow.

The two leaders will discuss the entire gamut of Pakistan-Russia bilateral cooperation, and exchange views on regional and global issues of mutual interest.#PMIKInRussia pic.twitter.com/pNT40VkYnB

— Prime Minister's Office (@PakPMO) February 24, 2022

روسی صدر سے ملاقات سے قبل وزیراعظم نے روس کے جنگ عظیم دوئم کے گمنام سپاہیوں کو خراج تحسین پیش کیا تھا۔

وزیر اعظم عمران خان نے ماسکو میں دوسری جنگ عظیم میں جانوں کا نذرانہ پیش کرنے والے سپاہیوں کو خراج تحسین پیش کرتے ہوئے گمنام فوجیوں کے مقبرے پر پھولوں کی چادر چڑھائی تھی۔

اس موقع پر دونوں ممالک کے قومی ترانے بھی بجائے گئے جبکہ روسی فوجی دستے نے مارچ پاسٹ کرتے ہوئے وزیر اعظم کو سلام بھی پیش کیا۔

دوسری جانب وزیر اطلاعات فواد چوہدری نے یوکرین روس کشیدگی کے دوران وزیر اعظم کے دورہ مختصر ہونے سے متعلق ’قیاس آرائیوں‘ کو مسترد کردیا تھا۔

وزیر اطلاعات نے ٹوئٹ کیا تھا کہ وزیر اعظم کا ’دورہ جاری ہے اور وزیر اعظم شیڈول کے مطابق آج رات پاکستان واپس آئیں گے‘۔

Speculations about PM @ImranKhanPTI visit are misplaced. The Visit is proceeding and PM will return to Pakistan tonight as per schedule

— Ch Fawad Hussain (@fawadchaudhry) February 24, 2022

فواد چوہدری کی جانب سےایسوسی ایٹڈ پریس (اے پی) کی رپورٹ کے بعد وضاحت پیش کی جس میں دعویٰ کیا گیا تھا کہ وزیراعظم اپنا ماسکو دورہ ختم کر رہے ہیں۔

وزیراعظم عمران خان کل دو روزہ سرکاری دورے پر ماسکو پہنچے تھے جہاں روس کے نائب وزیر خارجہ ایگور مورگلوف نے ان کا استقبال کیااور انہیں گارڈ آف آنر بھی پیش کیا گیا۔

Prime Minister @ImranKhanPTI, while laying a floral wreath at the Tomb of the Unknown Soldier.

#PMIKinRussia pic.twitter.com/1n0pd8nYKO

— Prime Minister's Office (@PakPMO) February 24, 2022

ڈان نیوز کے نمائندے عادل شاہ زیب کے مطابق وزیر اعظم اس وقت ماسکو میں ہیں، تاہم وزیراعظم پاکستان کی روسی صدر سے ملاقات کا شیڈول تبدیل کر دیا گیا ہے اور ملاقات کا دورانیہ ایک گھنٹے سے بڑھا کر 3 گھنٹے کر دیا گیا ہے۔

Both Russian and Pakistani officials have denied reports that Khan has ended the visit. “There is no cancellation of visit, PM Khan will be meeting President Putin as per schedule.” Khan’s planned interaction with the media has been cancelled. #PMIKInRussia #Russia #Ukraine

— Adil Shahzeb (@adilshahzeb) February 24, 2022

تاہم انہوں نے سفارتی ذرائع کا حوالہ دیتے ہوئے کہا کہ وزیر اعظم کے شیڈول میں مزید تبدیلی کی جاسکتی ہے۔

خیال رہے کہ روس کا دورہ کرنے والے آخری پاکستانی وزیراعظم نواز شریف تھے جنہوں نے 1999 میں روس کا دورہ کیا تھا جب کہ سابق صدر آصف علی زرداری بھی 2011 میں ماسکو گئے تھے۔

وزیر اعظم عمران کے دورے کوملکی اور غیر ملکی لوگ بہت زیادہ توقعات کے ساتھ دیکھ رہے ہیں حالانکہ حکومت پاکستان اسے اسٹریٹجک، توانائی اور علاقائی رابطوں میں وسیع تر تعلقات کا پیش خیمہ قرار دیتی ہے۔