مالاکنڈ: بیٹے کی فائرنگ سے بھائی اور بہن ہلاک، مفتی کفایت اللّٰہ اور اہلیہ زخمی

مالاکنڈ (نمائندہ ڈیلی اردو) پاکستان کے صوبہ خیبر پختونخوا کے ضلع مالاکنڈ کے علاقے بٹ خیلہ میں جمعیت علمائے اسلام (ف) کے ضلعی امیر مفتی کفایت اللّٰہ کے گھر پر فائرنگ کے نتیجے میں مفتی کفایت اور ان کی اہلیہ شدید زخمی ہوگئیں، جبکہ ان کا بیٹا عصمت اللّٰہ اور ایک بیٹی موقع پر ہی ہلاک ہوگئے۔

لیویز حکام کے مطابق یہ واقعہ اس وقت پیش آیا جب مفتی کفایت اللّٰہ کے بیٹے اعتصام نے اپنے والد، بھائی اور بہنوں پر فائرنگ کر دی۔ واقعے کے بعد ملزم موقع سے فرار ہوگیا، تاہم پولیس نے بعد ازاں اسے گرفتار کر لیا۔

ڈپٹی کمشنر حامد الرحمان کے مطابق ملزم نے اپنے والد، بھائی اور دو بہنوں پر فائرنگ کی تھی۔ مفتی کفایت کی حالت اب خطرے سے باہر ہے، جبکہ زخمی بیٹی زیر علاج ہے۔

ذرائع کا کہنا ہے کہ گرفتار ملزم نشے کا عادی ہے۔ واقعے کی وجوہات تاحال سامنے نہیں آسکیں۔ زخمیوں اور لاشوں کو ڈی ایچ کیو ہسپتال بٹ خیلہ منتقل کر دیا گیا، جہاں پولیس نے مزید تحقیقات شروع کر دی ہیں۔