ملائیشین ایئر فورس بیس میں فائرنگ، 4 اہلکار ہلاک

کوالالمپور (ڈیلی اردو) رائل ملائیشین ایئر فورس (آر ایم اے ایف) کے چار اہلکار شمالی بورنیو ریاست سراواک میں اپنے کیمپ کے اندر فائرنگ کے ایک واقع میں ہلاک ہوگئے ہیں۔

#NSTnation It is learnt that the incident happened when one of the four killed took his weapon and fired at three of his colleagues, just before their night shift ended.#RMAF #airforcepersonnel #killed #shootinghttps://t.co/hcgmME2ZcD

— New Straits Times (@NST_Online) August 13, 2021

سراواک ریاست کے پولیس کمشنر عیدی اسماعیل نے جمعہ کو اس واقعے کی تصدیق کرتے ہوئے بتایا کہ فائرنگ کیمپ کے گارڈ ہاؤس میں ہوئی، جس میں تین متاثرین موقع پر ہی ہلاک ہوئے اور ایک شدید زخمی قریبی ہسپتال میں دم توڑ گیا جہاں وہ زخمی ہونے کے بعدزیر علاج تھا۔

انہوں نے کہا کہ واقعے کی تحقیقات جاری ہیں اور فرانزک ٹیمیں موقع پر موجود ہیں۔

علاوہ ازیں، رائل ملائیشین ایئر فورس نے بھی اس واقعے کی تصدیق کرتے ہوئے کہا کہ پولیس نے تفتیش کاعمل سنبھال رکھا ہے اور اس کے اسباب کی تفتیش کی جا رہی ہے۔

بیان میں عوام کو اس واقعے سے متعلق قیاس آرائیوں سے گریز کرنے کے حوالے سے بھی خبردار کیا گیا ہے۔