ممبئی: بھارتی جنگی بحری جہاز میں دھماکا، 3 افسران ہلاک، 11 زخمی

نئی دہلی (ڈیلی اردو) بھارتی جنگی جہاز کے اندرونی حصہ میں دھماکے سے نیوی کے تین افسران ہلاک جبکہ گیارہ افراد زخمی ہو گئے۔

بھارتی میڈیا کے مطابق دھماکہ جنگی بحری جہاز کے اندرونی حصہ میں ہوا، ابھی تک دھماکہ کے اصل وجہ معلوم نہیں ہو سکا ،اس لیے یہ کہنا قبل از وقت ہے کہ کوئی تخریبی کارروائی ہوئی ہے۔

#Breaking | Three Indian Navy personnel killed, 11 reportedly injured in explosion in internal compartment of INS Ranvir.#INSRanvir #IndianNavy pic.twitter.com/B4KU1z8A1f

— TIMES NOW (@TimesNow) January 18, 2022

بھارتی بحریہ کی جانب سے جاری بیان کے مطابق ’آج ممبئی کے نیول ڈاکیارڈ میں کھڑے آئی این ایس رنویر کے ایک اندرونی حصے میں دھماکا ہوا جس کے نتیجے میں تین نیوی اہلکار ہلاک ہوگئے۔‘

بیان کے مطابق دھماکے کے فوری بعد عملے نے مستعدی کا مظاہرہ کرتے ہوئے صورتحال کو قابو میں کرلیا، جہاز کو کوئی بڑا نقصان نہیں ہوا۔

بھارتی میڈیا کے مطابق آئی این ایس رنویر 1986 میں بھارتی بحریہ کے بیڑے میں شامل ہوا تھا۔

بھارتی بحریہ کا کہنا ہے کہ واقعے کی تحقیقات کیلئے بورڈ قائم کردیا گیا ہے جو ہر پہلو سے جائزہ لے کر اپنی رپوٹ پیش کرے گا۔