میانمار: فوجی ہیلی کاپٹر سے فائرنگ، 30 روہنگیا مسلمان شہید، متعدد زخمی

رخائن (ڈیلی اردو) اقوام متحدہ نے کہا ہے کہ میانمار فوج کے ہیلی کاپٹر سے روہنگیا آبادی پر بمباری میں 30 روہنگیا مسلمانوں کو شہید کردیا گیا ہے۔

بین الاقوامی خبر رساں ادارے کی رپورٹ کے مطابق میانمار کی ریاست رخائن میں میانمار فوج نے اقلیتی گروہ روہنگیا کی آبادی پر حملہ کیا جس کے نتیجے میں30شہید اور متعدد زخمی ہوگئے۔

OHCHR fears as many as 30 Rohingya killed in Myanmar assault https://t.co/FL3OIAIJnX

— UPI.com (@UPI) April 9, 2019

اقوام متحدہ کے انسانی حقوق کے ہائی کمشنر نے کہا کہ میانمار فوج کے حملے میں جاں بحق ہونے والوں کی درست تعداد جاننے کی کوشش کی جارہی ہے تاہم غیر مصدقہ طور پر 30 کے لگ بھگ ہلاکتوں کا خدشہ ہے۔

@UN Untied Nations is continuing its investigation into ongoing violence and political repression of #Rohingya Muslims in Myanmar.nation's military leaders be prosecuted for genocide,crimes against humanity and war crimes
@nslwin @hrw @YangheeLeeSKKUhttps://t.co/CT5Am8miu0

— Faisal Thar Thakhin (@faisal_thar) April 9, 2019

دوسری جانب میانمار حکومت نے صرف 6 افراد کے شہید ہونے کی تصدیق کرتے ہوئے میڈیا کو بتایا کہ واقعے میں 9 افراد زخمی بھی ہوئے تھے۔ یہ کارروائی شدت پسند جماعت ’اراکان آرمی‘ کے جنگجوؤں کی موجودگی کی اطلاع پر کی گئی۔

ادھر اراکان آرمی کے ترجمان نے میانمار فوج کی کارروائی کی تصدیق کرتے ہوئے بتایا کہ میانمار فوج نے متاثرہ علاقے میں گولہ باری کی اور اندھا دھند فائرنگ کی تاہم اس کارروائی میں شہید و زخمی ہونے والے تنظیم کے جنگجو نہیں بلکہ عام شہری ہیں