نابلس میں اسرائیلی فوج کی فائرنگ سے ایک فلسطینی نوجوان شہید، 17 زخمی

نابلس (ڈیلی اردو) فلسطین کے مقبوضہ مغربی کنارے کے شمالی شہر نابلس میں بیتا قصبے کے جبل العرمہ کے مقام پر اسرائیلی فوج نے پرامن فلسطینیوں پر اندھا دھند گولیاں چلائیں جس کے نتیجے ایک فلسطینی شہید اور 17 زخمی ہوگئے۔نوجوان

مرکز اطلاعات فلسطین کے مطابق بدھ کے روز اسرائیلی فوج نے جبل العرمہ کے مقام پر یہودی آباد کاروں کی غاصبانہ قبضے کی سازش کیخلاف دھرنا دینے والے فلسطینیوں پر گولیاں چلائیں جس کے نتیجے میں ایک فلسطینی شہری شہید اور سترہ زخمی ہوگئے۔

فلسطینی وزارت صحت کے مطابق اسرائیلی فوج کی وحشیانہ فائرنگ سے 15 سالہ محمد عبدالکریم حمایل شدید زخمی ہوا جو بعد ازاں زخموں کی تاب نہ لا کر دم توڑ گیا۔

تشعر اليونيسف بالصدمة إزاء التقارير التي تفيد بأن صبيًا يبلغ من العمر 15 عامًا قد قُتل بالرصاص اليوم في اشتباكات جنوب #نابلس في #الضفة_الغربية. لا ينبغي أبدا استخدام الذخيرة الحية بالقرب من المدنيين، لأن هذا يعرض #الأطفال للخطر. يجب دائمًا حماية الأطفال من العنف. #الطفل_هو_طفل https://t.co/Tog1OKh5Bd

— UNICEF Palestine (@UNICEFpalestine) March 11, 2020

اسرائیلی فوج کی طرف سے نہتے فلسطینی مظاہرین پر براہ راست فائرنگ اور ربڑ کی گولیوں کا استعمال کیا گیا جس کے نتیجے میں ایک فلسطینی بچہ شہید اور ڈیڑھ درجن فلسطینی زخمی ہوگئے۔

اسرائیلی فوج نے فلسطینی مظاہرین کو منتشر کرنے کے لیے ان پر لاٹھی چارج کیا اور ساتھ ہی آنسوگیس کی شیلنگ کے لیے ڈرون طیارے کا استعمال کیا گیا۔