وزیراعظم عمران خان نے پنجاب میں سیاحت کے فروغ کیلیےخصوصی اقدامات کی منظوری دیدی

لاہور (عطاءالرحمن عباسی) وزیراعظم عمران خان نےپنجاب میں مذہبی اورثقافتی سیاحت، خصوصا کرتارپور راہداری اور نئے سیاحتی مقامات کھولنے کے حوالے سے خصوصی اقدامات کی منظوری دیدی ہے.

تفصیلات کے مطابق پنجاب کے وزیر برائےسیاحت وہائر ایجوکیشن راجہ یاسر ہمایوں سرفراز نے وزیر اعظم عمران خان کو صوبہ پنجاب میں سیاحت کے فروغ کے حوالے سے بریفنگ دی جسمیں بتایا گیا ہیکہ صوبہ پنجاب کی پہلی سیاحتی پالیسی کا مسودہ کابینہ میں پیش کیے جانے کے لیے تیار ہے۔ صوبے بھر میں آٹھ نئے سیاحتی مقامات کی نشاندہی کی جا چکی ہے.

صوبائی وزیر نے وزیر اعظم کا بتایا کہ سرکاری گیسٹ ہاؤسز کو تبدیل کرنے اور انکوسیاحوں کے لئے رہائشگاہ بنانے کے حوالے اقدامات میں پیش رفت ہوئی ہے۔ محکمہ جنگلات اور آبپاشی کے ستر (70) ریسٹ ہاوسز کو عوام کے لیے کھولا جا رہا ہے۔

وزیراعظم کو ثقافتی، تاریخی ،مذہبی اور یوتھ ایڈونچر ٹورازم، آن لائن بکنگ اور سوشل میڈیا پورٹل کے حوالے نئے اقدامات پر بھی بریفنگ دی گئی جس میں کوٹلی ستیاں، چکوال، کوہ سلیمان، اٹک، کالا باغ، خوشاب، بہاولپور اور جہلم میں نئے سیاحتی مقامات کے حوالے سے اقدامات کے بارے میں بھی بتایا گیا ہے.

وزیر اعظم نےسیاحت کےفروغ کےلیےاقدامات کی منظوری دیدی

وزیرسیاحت راجہ یاسر ہمایوں نےوزیر اعظم کو سیاحتی فروغ کے لئے اٹھائے جانے والے اقدامات سمیت
مذہبی مقامات کو سیاحتی فروغ کے لیے استعمال کرنے سےبھی آگاہ کیا#Pakistani #PrimeMinisterImrankhan #PMIK #tourism #Punjab pic.twitter.com/5yCSJ7j5z1

— Raja Yassir Humayun Sarfraz (@RajaYassirHS) March 10, 2019

اس موقع پر وزیراعظم نے ماحولیاتی تحفظ کے لیے اقدامات اور انفراسٹرکچر کی تعمیر کے حوالے سے اقدامات لینے کی بھی ہدایت کی۔ وزیر اعظم نے نیشنل پارکس کے تحفظ، ایکو ٹورازم کی اہمیت، جنگلات اور نیشنل پارکس میں قبضہ مافیا کے خلاف ایکشن کے حوالے سے بھی ہدایات دیں۔ وزیر اعظم کا کہنا تھا کہ ماحولیاتی تبدیلی ایک حقیقت ہے۔ ہمیں نیشنل پارکس بنانے پر خصوصی توجہ کی ضرورت ہے۔ ملک میں سیاحت فروغ پا رہی ہے. غیر ملکی سیاحوں کی پاکستان میں سیاحت کے حوالے سے دلچسپی بڑھتی جا رہی ہے۔ سیاحت کے فروغ سے مقامی لوگوں کو روزگار میسر ہو گا، سرمایہ کاری میں اضافہ ہوگا، دور افتادہ علاقے ترقی کریں گے۔

وزیر اعظم نے تاریخی ورثے اور مقامات کی تزئین اور دیکھ بھال ( renovation and preservation) کے حوالے سے بھی خصوصی ہدایات دیں۔ وزیر اعظم کو صوبہ پنجاب میں سیاحت کے حوالے سے نئے اقدامات اور روڈ میپ کے حوالے سے بھی بریف کیا گیا۔ جن میں ڈیزرٹ سفاری اور چکوال فور بائی فور ریلی شامل ہیں۔ وزیراعظم نے تاریخی و ثقافتی مقامات کی تزئین و آرائش کے حوالے سے وسائل کی دستیابی کے حوالے سے اقدامات کے لیے بھی مختلف ہدایات جاری کیں۔