ٹانک میں آپریشن، تحریک طالبان پاکستان کا کمانڈر اور کیپٹن ہلاک

اسلام آباد (ش ح ط) صوبہ خیبر پختونخوا کے ضلع ٹانک میں انٹیلی جنس کی بنیاد پر کیے گئے آپریشن کے دوران فرنٹیئر کور (ایف سی) کا کیپٹن سکندر سہیل ہلاک جبکہ کالعدم تنظیم کا ایک کمانڈر بھی مارا گیا۔

سرکاری ذرائع کے مطابق سکیورٹی فورسز نے قبائلی ضلع جنوبی وزیرستان سے ملحقہ ضلع ٹانک میں ڈبرہ کے علاقے میں دہشت گردوں کی موجودگی کی انٹیلی جنس اطلاع کی بنیاد پر آپریشن کیا۔

https://twitter.com/ShabbirTuri/status/1443155020992684033?s=19

ذرائع نے بتایا کہ فائرنگ کے شدید تبادلے کے دوران کالعدم تنظیم تحریک طالبان پاکستان کا کمانڈر خواژہ دین عرف شیرا مارا گیا جبکہ دہشت گردوں کی فائرنگ سے کیپٹن سکندر سہیل بھی ہلاک ہوگیا۔

ذرائع نے مزید بتایا کہ اس آپریشن میں لانس نائیک انور اور سلمان بھی زخمی ہوگئے۔

ہلاک ہونے والے کیپٹن کا تعلق صوبہ پنجاب کے ضلع پاکپتن کی تحصیل عارف نواحی گاؤں 19 ای بی فوجیانوالہ سے ہے۔

سیکیورٹی فورسز نے علاقے کو گھیرے میں لے کر سرچ آپریشن کا آغاز کردیا۔