پاراچنار: کرم میں سیکورٹی حصار مزید سخت کردی

پاراچنار (نمائندہ ڈیلی اردو) صوبہ خیبر پختونخوا کے قبائلی ضلع کرم کے سیکورٹی حصار کو مزید سخت کر دیا گیا۔

تفصیلات کے مطابق ڈسٹرکٹ پولیس آفیسر (ڈی پی او) کرم ارباب شفیع اللہ نے موجودہ صورتحال کے پیش نظر ڈی ایس پی سنٹرل کرم عنایت خان کو سنٹرل کرم کے سیکورٹی حصار کو مضبوط بنانے کی ہدایت پر ڈی ایس پی نے جبہ پوسٹ، گواکی پوسٹ، مناتو پوسٹ، ارمگائے پوسٹ، چنارک پوسٹ کی سیکورٹی کا جائزہ لیا اور ان تمام پولیس پوسٹوں پر موجود اہلکاروں کو ہدایات دیتے ہوئے کہا کہ موجودہ حالات کے پیش نظر بلٹ پروف ہلمٹ، جیکٹ اور دیگر حفاظتی آلات کو استعمال کو یقینی بنائیں۔

پولیس اہلکار دوران ڈیوٹی مستعدی کا مظاہرہ کرتے ہوئے اپنے اردگرد کے ماحول پر کڑی نگرانی رکھیں اور کسی بھی ناخوشگوار صورتحال کی صورت میں جوان مردی سے حالات پر قابو حاصل کرنے کی کوشش کریں۔