پاکستان، افغانستان سے امریکی فوج کے ذمہ دارانہ انخلاء کا حامی ہے، ترجمان دفترخارجہ

اسلام آباد (ڈیلی اردو) ترجمان دفتر خارجہ کا کہنا ہےکہ امریکی صدر جوبائیڈن کا افغانستان سے امریکی افواج کے انخلاء کے حوالے سے بیان دیکھا ہے، پاکستان افغان اسٹیک ہولڈرز سے ہم آہنگی کے ساتھ ذمہ دارانہ فوجی انخلاء کا حامی ہے۔

دفتر خارجہ سے جاری بیان میں ترجمان دفتر خارجہ زاہد حفیظ چوہدری کا کہنا تھا کہ امریکی صدرکے اعلان کے مطابق افغانستان سے امریکی افواج کا انخلاء رواں سال یکم مئی کو شروع ہوگا اور 11ستمبرکو مکمل ہوگا، یہ ضروری ہے کہ افغانستان سے غیر ملکی افواج کا انخلاء امن عمل میں ہونے والی پیشرفت سے ہم آہنگ ہو۔

It is important that the withdrawal of foreign troops from Afghanistan coincides with the progress in the #AfghanPeaceProcess. We support the principle of responsible troop withdrawal in coordination with Afghan stake-holders. 1/3

— Ministry of Foreign Affairs – Pakistan (@ForeignOfficePk) April 15, 2021

ترجمان نے امید ظاہر کی ہے کہ ترکی میں افغان قیادت کا آئندہ اجلاس افغان باشندوں کے لیے سیاسی تصفیے کی سمت ترقی کرنے کا ایک اہم موقع ہوگا، امید کرتے ہیں کہ امریکا افغان رہنماؤں کو افغانستان میں سیاسی تصفیےکےلیے تاریخی موقع سے فائدہ اٹھانےکی تاکید کرتا رہےگا۔

A meaningful engagement of the international community for promoting reconstruction and economic development in the post-conflict #Afghanistan is important for ensuring sustainable peace and stability.3/3

— Ministry of Foreign Affairs – Pakistan (@ForeignOfficePk) April 15, 2021