پشاور: باچا خان انٹرنیشنل ائیر پورٹ پر حملے کا خدشہ، سیکیورٹی ہائی الرٹ

پشاور(ڈیلی اردو/آن لائن) صوبائی حکومت پشاور سمیت صوبہ خیبر پختونخوا میں امن وامان کی صورتحال کے باعث ائیر بیسز اور باچا خان انٹرنیشنل ائیر پورٹ کی سیکیورٹی ہائی الرٹ کردی گئی ہے۔

تفصیلات کے مطابق باچا خان انٹرنیشنل ائیر پورٹ پر امن وامان کی صورتحال کے باعث قانون نافذ کرنے والے اداروں کی چھٹیاں بھی منسوخ کر دی گئی ہیں اس سے قبل بھی باچا خان انٹرنیشنل ائیر پورٹ پر حملے کرنے کی کو شش کو حکومتی اداروں نے بہادری کے ساتھ ناکام بنا دیا تھا امن وامان کی صورتحال کے باعث ائیر بیسز کی سیکورٹی بھی ہائی الرٹ کر دی گئی ہیں۔

پولیس ذرائع کے مطابق پشاور میں سیکورٹی پہلے سے ہی الرٹ کی گئی ہے امن وامان کی صورتحال کے باعث بلدیاتی انتخابات کے دوسرے مرحلے کے لئے بھی سیکورٹی پلان ابھی سے مرتب کرنا شروع کردیا ہے مختلف حساس مقامات کی سیکورٹی بھی سخت کی گئی ہے سیاسی شخصیات اپنی سرگرمیاں محدود رہنے کی ہدایات بھی کر دی گئی ہیں۔ جبکہ سیاسی شخصیات اور مذہبی شخصیات کی سیکورٹی بھی مزید سخت کی گئی ہے۔