پشاور: سی ٹی ڈی کی خیبر میں کارروائی، داعش کے 2 دہشت گرد گرفتار

اسلام آباد (ش ح ط) کاؤنٹر ٹیررازم ڈیپارٹمنٹ (سی ٹی ڈی) نے خیبر پختونخوا میں کارروائی کرتے ہوئے کالعدم تنطیم داعش کے دو دہشت گردوں کو گرفتار کرلیا۔

تفصیلات کے مطابق سی ٹی ڈی نے قبائلی ضلع خیبر کی تحصیل جمرود کے علاقے تختہ بیگ میں کارروائی کرتے ہوئے دو دہشت گردوں کو گرفتار کرلیا ہے، گرفتار دہشت گردوں کا تعلق کالعدم تنظیم داعش سے ہے۔

https://twitter.com/ShabbirTuri/status/1495474026424434693?t=9jm7sfXnK15zz9xJgTsEHQ&s=19

ترجمان نے بتایا گرفتار دہشت گردوں میں حضرت خان اور عبدالوحد شامل ہیں، ان کے قبضے سے ہینڈ گرنیڈز، اسلحہ اور دیگر سامان برآمد ہوا ہے۔

سی ٹی ڈی ترجمان نے کہا کہ مبینہ دہشت گرد خیبر سے پشاور میں دہشت گردی کی بڑی واردات کرنے آرہا تھا۔

گرفتار ہونے والے دہشت گرد کے خلاف تھانہ سی ٹی ڈی پشاور میں مقدمہ درج کر کے تفتیش کا دائرہ وسیع کردیا گیا۔

سی ٹی ڈی حکام کا کہنا تھا کہ دہشت گردوں کو تفتیش کے لیے نامعلوم مقام پر منتقل کردیا گیا ہے۔