پشاور: لنڈی کوتل میں‌ دہشت گردی کا بڑا منصوبہ ناکام، القائدہ اور داعش کے چار دہشتگرد گرفتار

اسلام آباد (ش ح ط) کاؤنٹر ٹیررازم ڈیپارٹمنٹ (سی ٹی ڈی) نے صوبہ خیبر پختونخوا میں دہشت گردی کا بڑا منصوبہ ناکام بناتے ہوئے چار دہشت گردوں کو گرفتار کرلیا۔

تفصیلات کے مطابق ترجمان سی ٹی ڈی کا دعویٰ کرتے ہوئے کہنا تھا کہ سی ٹی ڈی پشاور کی قبائلی ضلع خیبر کی تحصیل لنڈی کوتل کے علاقہ سلطان خیل میں کارروائی کی جہاں سے دوران کارروائی کالعدم تنظیم القائدہ اور داعش سے تعلق رکھنے والے چار دہشت گردوں کو گرفتار کیا گیا۔

https://twitter.com/Natsecjeff/status/1454346333448556544?t=D7qHrH0kn1nsEigigBT2Qg&s=19

سی ٹی ڈی کے ترجمان کے مطابق دہشت گردوں کے خلاف خفیہ اطلاع پر کارروائی کی گئی۔

سی ٹی ڈی حکام کے مطابق دہشت گردوں کا تعلق کالعدم القاعدہ اور داعش سے ہے، جو پشاور اور اطراف میں بڑی کارروائی کا منصوبہ بنارہے تھے۔ کاؤنٹر ٹیررازم ڈیپارٹمنٹ نے اس کارروائی کو بڑی پیشرفت قرار دیتے ہوئے کہا کہ بروقت کارروائی سے دہشت گردی کا بڑا منصوبہ ناکام ہوگیا۔

گرفتار دہشت گرد سے خودکش جیکٹس، ہینڈ گرنیڈز، 4 عدد مقناطیسی آئی ای ڈیز، 6 عدد اینٹی پرسنل آئی ای ڈیز، 58 عدد آئی ای ڈی ریسیورز، 9 عدد آئی ای ڈی ڈیٹونیٹرز، 14 کلو گرام دھماکہ خیز مواد اور دہشت گردی میں استعمال ہونے والے آلات و مواد برآمد ہوا جبکہ دہشت گردوں کو مزید تحقیقات کیلئے نامعلوم مقام پر منتقل کر دیا گیا ہے۔