پشاور میں دلہ زاک روڈ پر فائرنگ، 3 افراد جاں بحق، 3 شدید زخمی

پشاور (ڈیلی اردو) پشاور کے علاقے دلہ زاک روڈ پر فائرنگ سے تین افراد جاں بحق، جبکہ تین شدید زخمی ہوگئے۔

تفصلات کے مطابق خیبر پختونخوا کے صوبائی دارالحکومت پشاور کے علاقے دلہ زاک روڈ پر فائرنگ سے 3 افراد جاں بحق جبکہ 3 شدید زخمی ہوگئے۔

پولیس کے مطابق واقعہ پرانی دشمنی کا شاخسانہ ہے۔ واقعہ دلہ زاک روڈ پر پیش آیا، جہاں مخالفین نے رات گئے فائرنگ کرکے تین افراد کو قتل کردیا۔ فائرنگ کی زد میں آکر راہ گیر سمیت تین افراد زخمی بھی ہوئے۔

واقعہ کے بعد ملزمان باآسانی فرار ہونے میں کامیاب ہوگئے۔ پولیس کے مطابق جاں بحق افراد یوسف آباد کے رہائشی تھے۔ وحید اور جابر گروپ کے افضل گروپ کے ساتھ کئی سالوں سے اختلافات چل رہے تھے، تاہم گزشتہ رات دونوں گروپوں کا آمنا سامنا ہوا، جس میں نوبت فائرنگ تک آگئی۔

لاشوں کو ضروری کارروائی اور زخمیوں کو طبی امداد کیلئے خیبر میڈیکل اسپتال منتقل کردیا گیا ہے