پنجاب: سی ٹی ڈی کی ساہیوال میں کارروائی، کالعدم تحریک طالبان پاکستان کا دہشت گرد گرفتار

لاہور (ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) پنجاب نے ضلع ساہیوال میں ڈیرہ رحیم روڈ پر کارروائی کرتے ہوئے کالعدم تنظیم کے مبینہ دہشتگرد کو گرفتار کر لیا۔

ترجمان کے مطابق سی ٹی ڈی نے ساہیوال میں بونگہ حیات روڈ پر کارروائی کرتے ہوئے ایک دہشت گرد کو گرفتار کر کے بارودی مواد برآمد کر لیا۔

ترجمان کے مطابق گرفتار دہشت گرد سے ایک جزوی تیار شدہ آئی ای ڈی، دو پرائما کارڈ اور ایک ڈیٹونیٹر برآمد کیا گیا ہے۔

ترجمان کے مطابق دہشت گردکی شناخت اسامہ فاروق سےنام سے ہوئی جس کا تعلق جام پور سے ہے،گرفتار دہشت گرد کا تعلق کالعدم تحریک طالبان پاکستان (ٹی ٹی پی) سے ہے۔

سی ٹی ڈی نے مقدمہ درج کرکے کارروائی شروع کردی ہے۔

مزید بتایا کہ دہشت گرد کو تفتیش کے لیے نامعلوم مقام پر منتقل کر دیا گیا۔