پنجاب: سی ٹی ڈی کی وہاڑی میں کارروائی، کالعدم تنظیم داعش کے 2 دہشت گرد گرفتار

اسلام آباد (ش ح ط) کانٹر ٹیررزم ڈیپارٹمنٹ (سی ٹی ڈی) نے کالعدم داعش سے تعلق رکھنے والے 2 دہشت گردوں کو گرفتار کرلیا۔

ترجمان کے مطابق سی ٹی ڈی نے صوبہ پنجاب کے ضلع وہاڑی کے علاقے سبزی منڈی میں خفیہ اطلاع پر کارروائی کی، دوران کارروائی آصف ندیم اور محمد نواز نامی 2 دہشت گرد گرفتار کر لیئے گئے۔

ترجمان کا مزید کہنا تھا کہ دہشت گرد حساس تنصیبات اور عبادت گاہوں کو نشانہ بنانے کی تیاری کر رہے تھے، دہشت گردوں کے قبضہ سے دھماکہ خیز مواد، اسلحہ، گولہ بارود جن میں ایک دستی بم، ایک پستول 30 بور، رائفل اور کالعدم تنظیم کا لٹریچر برآمد ہوا ہے۔

دہشت گردوں کو نامعلوم مقام پر منتقل کر کے تحقیقات شروع کر دی گئی ہیں۔