پنجاب: پاک فضائیہ کا میراج طیارہ شورکوٹ کے قریب گر کر تباہ

لاہور (ڈیلی اردو) صوبہ پنجاب کے ضلع جھنگ کی تحصیل شور کوٹ کے قریب پاک فضائیہ کا میراج طیارہ گر کر تباہ ہو گیا۔

ترجمان پاک فضائیہ کے مطابق پاک فضائیہ کا میراج طیارہ معمول کی تربیتی پرواز کے دوران شورکوٹ شہر کے قریب گر کر تباہ ہوا ہے۔

ترجمان پاک فضائیہ کے مطابق پائلٹ جہاز سے بحفاظت اترنے میں کامیاب ہو گیا جبکہ زمین پر کسی قسم کے جانی و مالی نقصان کی کوئی اطلاع موصول نہیں ہوئی۔

ترجمان پاک فضائیہ کے مطابق واقعہ کی وجوہات جاننے کے لیے ائیر ہیڈ کوارٹرز کی جانب سے ایک اعلیٰ سطح کا بورڈ تشکیل دے دیا ہے۔

رواں برس 7 جنوری کو ضلع میانوالی کے قریب پاک فضائیہ کا طیارہ گر کر تباہ ہوا تھا جس کے نتیجے میں طیارے میں سوار دونوں پائلٹ شہید ہو گئے تھے۔