ڈیرہ اسماعیل خان میں فائرنگ، فرنٹئیر کور بلوچستان کا اہلکار ہلاک

اسلام آباد (ش ح ط) صوبہ خیبر پختونخوا کے ضلع ڈیرہ اسماعیل خان میں چھٹی پر گھر آنے والے ایف سی اہلکار کو نامعلوم افراد نے فائرنگ کرکے ہلاک کردیا گیا۔

#Pakistan: Unknown assailants shot dead one FC soldier in Kulachi tehsil, Dera Ismail Khan district. https://t.co/TAwuzylDfd

— ???? (@cozyduke_apt29) April 20, 2024

ڈیلی اردو کے مطابق ڈیرہ اسماعیل خان کے تھانہ کلاچی کی حدود میں نامعلوم افراد کی فائرنگ سے فرنٹئیر کور بلوچستان کا اہلکار ہلاک ہوگیا۔ حملے کے بعد دہشت گرد موقع سے فرار ہو گئے۔

پولیس حکام کا کہنا ہے کہ ایف سی اہلکار محمد زبیر کا تعلق کلاچی کے نواحی گاؤں سے تھا اور وہ چھٹی پر اہلخانہ سے ملنے کے لیے گھر آیا تھا۔

ذرائع کے مطابق محمد زبیر کو اس وقت فائرنگ کا نشانہ بنایا گیا جب وہ اپنے بھائی کی موبائل کی دکان پر بیٹھا ہوا تھا اسے فوری طور پر طبی امداد کے لیے اسپتال منتقل کیا گیا لیکن وہ زخموں کی تاب نہ لاتے ہوئے چل بسا۔

پولیس کے مطابق ایف سی اہلکار محمد زبیر فرنٹئیر کور بلوچستان میں حاضر سروس تھا اور اپنی ٹریننگ مکمل کرکے چھٹی پر گھر آیا ہوا تھا۔

پولیس حکام کے مطابق زبیر کی لاش ورثا کے حوالے کردی گئی ہے۔

واقعے کے بعد پولیس کی بھاری نفری جائے وقوعہ پر پہنچی اور شواہد اکھٹے کرکے دہشت گردوں کی گرفتاری کیلیے سرچ آپریشن شروع کردیا۔