ڈیرہ اسماعیل خان میں لاپتہ پولیس کانسٹیبل کی لاش برآمد

ڈی آئی خان (بیورو رپورٹ) ڈیرہ پولیس کے کانسٹیبل کی لاش تھانہ کھوئی بہارہ کی حدود گاؤں کھوئی پیور کے قریب قیوم گٹی غوزئی سے ملی ہے۔

پولیس ذرائع کے مطابق صوبہ خیبر پختونخوا کے ضلع ڈیرہ اسماعیل خان میں نامعلوم افراد نے پولیس اہلکار کو اغوا کرکے قتل کردیا۔

مقتول کانسٹیبل زرداد خان تھانہ درازندہ میں تعینات تھے۔ مقتول گزشتہ چار، پانچ دنوں سے لاپتہ تھے اور ڈینرئی گاؤں کے رہائشی تھے۔ ان کی لاش پولیس تھانہ کھوئی بہارہ کی حدود میں ملی۔

https://twitter.com/ShabbirTuri/status/1480625954401644545?t=Uog6ulP7gvDVizf97zE2ZQ&s=19

دوسری جانب کالعدم تنظیم تحریک طالبان پاکستان نے پولیس اہلکار کے قتل کی ذمہ داری قبول کرلی ہے۔