کراچی ائیر پورٹ پر طیارے میں آگ لگ گئی

‏کراچی (نمائندہ ڈیلی اردو) جناح انٹر نیشنل ایئرپورٹ پر کھڑے ناکارہ طیارے میں پراسرار طور پر آگ لگ گئی ہے۔

سیکیورٹی حکام نے ائیرپورٹ پر ایمرجنسی نافذ کر دی اور ایمبولینس اور فائر بریگیڈ سمیت ریسکیو عملہ طلب کر لیا۔

ائیر پورٹ ذرائع کے مطابق کراچی ائرپورٹ رن وے سے متصل شاہین ائیر لائن کے پرانے اسکریپ طیاروں کے قریب کچرے میں آگ لگ گئی۔

ذرائع نے بتایا کہ آگ نے گراونڈ طیارے کو بھی اپنی لپیٹ میں لے لیا تاہم سول ایوی ایشن کے فائر ٹینڈرز نے فوری طور پر آگ پر قابو پالیا ہے۔ آگ لگنے سے کوئی جانی نقصان نہیں ہوا۔

ذرائع نے مزید بتایا کہ ایئرپورٹ پر کھڑے ناکارہ طیارے میں پراسرار طور پر آگ لگ گئی ہے۔

سول ایوی ایشن اور فائرٹینڈر نے بروقت اقدامات کر کے طیارے پر لگنے والی آگ کو بجھایا۔ ذرائع کے مطابق آگ پہلے جھاڑیوں میں لگی اور پھر اس نے ناکارہ جہاز کو لپیٹ میں لے لیا۔