کراچی: کالعدم بی ایل ایف کا دہشت گرد گرفتار

کراچی (ڈیلی اردو) پاکستان کے صوبہ سندھ کے صوبائی دارالحکومت کراچی میں سی ٹی ڈی نے حساس اداروں کے ہمراہ کارروائی کر کے کالعدم دہشت گرد تنظیم کے دہشت گرد کو گرفتار کر لیا۔

سندھ پولیس کے کاؤنٹر ٹیررازم ڈیپارٹمنٹ (سی ٹی ڈی) نے کراچی کے علاقے ماڑی پور سے کالعدم تنظیم بلوچستان لبریشن فرنٹ (بی ایل ایف) کے ایک اہم دہشت گرد کو گرفتار کر لیا۔

ترجمان سی ٹی ڈی کے مطابق گرفتار دہشت گرد کے قبضے سے 30 بور پستول اور گولیاں برآمد ہوئی ہیں۔ تحقیقات کے دوران معلوم ہوا کہ ملزم نے پڑوسی ملک میں تخریب کاری اور آئی ای ڈی نصب کرنے کی تربیت حاصل کی تھی۔

ملزم شہر میں حساس تنصیبات کی ریکی کر رہا تھا اور ایک پولیس افسر کی ٹارگٹ کلنگ کے لیے بھی منصوبہ بندی کر چکا تھا۔ سی ٹی ڈی کے ترجمان نے مزید بتایا کہ گرفتار دہشت گرد، جعفر، جعفر ایکسپریس حملے میں ہلاک ہونے والے بی ایل اے کے کارندے ظفر عرف ماما کا ساتھی اور بھانجا ہے۔

تفتیش جاری ہے اور حکام کا کہنا ہے کہ مزید اہم انکشافات اور نیٹ ورک کی گرفتاریوں کا امکان ہے۔