کرم: اوچت، بگن اور مندوری سے 20 شدت پسند گرفتار، 83 مشین گنز اور کلاشنکوفیں برآمد

پشاور (ڈیلی اردو)صوبہ خیبر پختونخوا کے قبائلی ضلع کرم میں شدت پسندوں کے خلاف آپریشن جاری ہے۔ سیکورٹی فورسز نے مزید 20 مطلوب شدت پسندوں اور مشتبہ ملزمان کو گرفتار کرلیا ہے۔

آر پی او کوہاٹ عباس مجید مروت کے مطابق آپریشن میں مزید 20 مطلوب شدت پسند اور مشتبہ ملزمان کو گرفتار کر لیا گیا، اب تک 57 مطلوب ملزمان سمیت 85 مشتبہ افراد کو گرفتار کیا جا چکا ہے۔

آرپی او کوہاٹ کا کہنا ہے کہ ملزمان سے 83 مشین گنز، کلاشنکوفیں، 12 بندوقیں اور سیکڑوں گولیاں برآمد کی گئیں ہیں۔

انہوں نے بتایا کہ ملزمان سے لوٹا گیا 4 ٹرک کاسامان بھی برآمد ہوا ہے جس میں ادویات و دیگر روز مرہ کی اشیاء شامل ہیں۔

آر پی او کے مطابق پولیس اور سکیورٹی فورسز کا آپریشن لوئر کرم کے علاقوں اوچت، بگن، مندوری اور دیگر محلقہ علاقوں میں کیا جا رہا ہے۔