گوجرانوالہ میں 6 سالہ بچے سے مدرسہ میں زیادتی، ملزم گرفتار

گوجرانوالہ (ڈیلی اردو) صوبہ پنجاب کے ضلع گوجرانوالہ کے علاقے مجید کالونی میں نرسری کلاس کے بچے کو بد فعلی کا نشانہ بنا دیا گیا۔

پولیس کے مطابق تھانہ سیٹلائٹ ٹاؤن کے علاقے مجید کالونی میں ملزم سجاول نے 6 سالہ فیضان کو مدرسہ لے جاکر زیادتی کا نشانہ بنایا۔ پولیس نے بچے کو طبی معائنے کے لیے سول ہسپتال منتقل کر دیا ہے۔ چیئرپرسن چائلڈ پروٹیکشن بیورو لاہور نے بچے کے ساتھ زیادتی کا نوٹس لے کر کارروائی شروع کردی ہے۔

معاملے کی سی سی ٹی وی فوٹیج بھی حاصل کرلی گئی ہے جس میں ملزم کو بچے کو لے جاتے دیکھا جا سکتا ہے۔ ملزم واقعے کے بعد فرار ہوگیا تھا تاہم پولیس نے بروقت کارروائی کر کے اسے گرفتار کرلیا۔ پولیس نے واقعے کی تفتیش شروع کرتے ہوئے ملزم کے خلاف مقدمہ درج کرلیا ہے۔