گھوٹکی: اوباڑو میں دو مبینہ دہشت گردوں نے خود کو دھماکے سے اڑا لیا

گھوٹکی (ڈیلی اردو) صوبہ سندھ کے ضلع گھوٹکی کی تحصیل اوباڑو کے لانگھو روڑ پر دو مبینہ دہشت گردوں نے خود کو دھماکے سے اڑا لیا۔

ایس ایچ او اوباڑو کا کہنا ہے کہ سرچ آپریشن کے دوران موٹر سائیکل سواروں کو روکنے پر فائرنگ کی گئی۔ پولیس کے روکنے پر موٹر سائیکل سوار بھاگنے کی کوشش کی اور پولیس پر فائرنگ کردی۔ حملے کے دوران پولیس پر دو ہیند گرنیڈ بھی پھینکے گئے۔ ایک ہینڈ گرنیڈ مس ہوگیا دوسرا پولیس کے پیچھے گرا۔

ایس ایس پی گھوٹکی اظہر مغل کے مطابق تعاقب کے دوران دہشت گردوں نے فائرنگ کی اور پولیس پر دستی بم سے حملہ کیا، لیکن گھیرے میں آنے اور گولیاں ختم ہونے پر انہوں نے خود کو دھماکے سے اُڑا لیا۔

https://twitter.com/ShabbirTuri/status/1485367548191277056?t=Kgh0jrhW4VKcKO0FxzsbuA&s=19

ایس ایس پی گھوٹکی نے مزید کہا کہ ملزمان کے پاس اسلحہ اور ہینڈ گرینڈ بھی تھے، دہشت گردوں کی شناخت ہوگئی ہے۔

انہوں نے یہ بھی کہا کہ دہشت گردوں کی شناخت امام الدین پتافی اور عبدالحمید کے ناموں سے ہوئی ہے، عبدالحمید کا موجودہ پتہ ظاہر پیر ضلع رحیم یارخان ہے۔ جبکہ امام الدین گھوٹکی کا رہائشی اور وفاق المدراس العربیہ پاکستان کا طالبعلم ہے۔

ڈی آئی جی سکھر نے پریس کانفرنس میں بتایا کہ دہشت گردوں نے دیسی ساختہ بم کو درمیان میں رکھ کر ایک دوسرے کو گلے لگا لیا اور دھماکے سے خود کو اُڑا لیا۔