بلوچستان: کیچ میں سیکیورٹی فورسز پر حملے میں دو ایف سی اہلکار ہلاک

اسلام آباد (ش ح ط) صوبہ بلوچستان کے ضلع کیچ میں سیکیورٹی فورسز پر ایک حملے میں دو ایف سی اہلکار ہلاک ہو گئے ہیں۔

ہلاک اہلکاروں کی شناخت لانس نائیک صبور خٹک اور سپاہی عبدالستار کے نام سے ہوئی جب کہ زخمی اہلکار کا نام حکیم بتایا گیا ہے۔

سرکاری ذرائع کے نے تاحال حملے کی تفصیل بیان نہیں کی۔ تاہم بلوچ مزاحمتی تنظیم، کالعدم بلوچ لبریشن فرنٹ کے ترجمان نے واقعے کی ذمہ داری قبول کرنے کا دعوی کیا ہے۔

ترجمان گہرام بلوچ کے مطابق، ”سرمچاروں نے بلیدہ اور پروم کے درمیانی علاقے سردکیں آپ میں پاکستانی سیکیورٹی فورسز پر راکٹ اور خودکار بھاری ہتھیاروں سے حملہ کیا۔ حملے میں ایک گاڑی اور پانچ موٹر سائیکلوں کو نقصان پہنچا اور چھ اہلکار ہلاک ہوئے اور کئی زخمی ہوگئے۔”