جیل میں میرے کمرے اور باتھ روم میں کیمرے لگائے گئے تھے، مریم نواز کا انکشاف

گلگت (ڈیلی اردو) مسلم لیگ (ن) کی نائب صدر مریم نواز نے کہا ہےکہ جیل میں ان کے کمرے اور باتھ روم میں کیمرے لگائے گئے تھے۔

ایک انٹرویو میں مریم نواز نے کہا کہ ’میں دو بار جیل جاچکی ہوں اور جیل میں اپنے ساتھ یعنی ایک خاتون کے ساتھ ہونے والا سلوک بتا دیا تو ان کو منہ چھپانے کی جگہ نہیں ملے گی‘۔

میرے باتھ روم تک کیمرے لگائے گئے … اگر باتیں بتادوں تو عورت کی عزت کی بات کرنے والے عمران خان سمیت تمام بزدل مرد کسی کو منہ دکھانے کے قابل نہیں رہیں گے۔@SBBSKS2 @BeenishSaleem @MaryamNSharif @pmln_org pic.twitter.com/KrlGBXyQax

— Neo News Urdu (@NeoNewsUR) November 11, 2020

انہوں نے کہا کہ ’آج یہ نہیں بتاؤں گی، آج جب میں جدوجہد کررہی ہوں تو بالکل اس چیز کے پیچھے چھپنا نہیں چاہتی، اپنے آپ کو متاثرہ ظاہر کرنا نہیں چاہتی، آج یہ رونا نہیں رونا چاہتی کہ میرے ساتھ زیادتی ہوگئی‘۔

(ن) لیگ کی نائب صدر کاکہنا تھا کہ ’اگر مریم نواز کا دورازہ توڑ کر کمرے میں گھس سکتے ہیں، اس کے والد کے سامنے حق بات کرنے پر گرفتار کرسکتے ہیں، اگر اس کے کمرے اور باتھ روم میں کیمرے لگا سکتے ہیں اور ذاتی حملے کرا سکتے ہیں تو پاکستان کی کوئی عورت محفوظ نہیں ہے‘۔

انہوں نے کہا کہ عورت چاہے پاکستان میں ہو یا دنیا میں ہو وہ کمزور نہیں ہوسکتی۔