خیبر پختونخوا: شمالی وزیرستان میں پولنگ سٹیشنز پر طالبان کا قبضہ

اسلام آباد (ڈیلی اردو/بی بی سی) نیشنل ڈیموکریٹک موومنٹ کے صدر اور شمالی وزیرستان سے قومی اسمبلی کے حلقے این اے 40 سے نامزد امیدوار محسن داوڑ نے الیکشن کمیشن سے درخواست کی ہے کہ وہ اس حلقے میں قائم خواتین کے تین پولنگ سٹیشنز پر طالبان کے مبینہ قبضے اور ووٹرز کو دھمکیاں دینے کے معاملے کا نوٹس لے۔

سماجی رابطے کی ویب سائٹ ’ایکس‘ پر چیف الیکشن کمشنر کے نام لکھی گئی درخواست پوسٹ کرتے ہوئے محسن داوڑ نے دعویٰ کیا ہے کہ این اے 40 میں سکیورٹی کی صورتحال پر وہ پہلے بھی ڈسٹرکٹ ریٹرنگ آفیسر کو خط لکھ چکے تھے تاہم اس پر توجہ نہیں دی گئی۔

I have written to the CEC urging @ECP_Pakistan to take notice of the security situation in Tappi, N. Waziristan in NA-40 where Taliban have taken over polling stations. We have also filed an application with the police against an attack there on 3 of our female polling agents. pic.twitter.com/D4eRgC6Uy8

— Mohsin Dawar (@mjdawar) February 8, 2024

چیف الیکشن کمشنر کے نام خط میں محسن داوڑ نے دعویٰ کیا ہے کہ این اے 40 کے علاقے ’ٹپی‘ میں قائم خواتین کے چار میں سے تین پولنگ سٹیشنز پر طالبان کے جمعرات کی صبح دھاوا بولا جس کے بعد وہاں موجود پولنگ عملہ اپنی جان بچا کر بھاگ گیا اور طالبان نے ان پولنگ سٹیشنز پر قبضہ کر لیا۔

#Pakistan: Tālibān commander Baitullah has seized polling stations in Tappi, North Waziristan district. Reportedly, the Tālibān are allegedly using force to cast fictitious votes for the Jamiat candidate. https://t.co/OZDtHYO6cr

— ???? (@cozyduke_apt29) February 8, 2024

محسن داوڑ نے چیف الیکشن کمشنر سے استدعا کی ہے کہ وہ فی الفور صورتحال کا نوٹس لیں۔