داعش کو دوبارہ متحرک ہونے سے روکنے کیلئے اقدامات جاری رکھیں گے، سعودی عرب

ریاض (ڈیلی اردو) سعودی وزیر خارجہ شہزادہ فیصل بن فرحان نے شدت پسندی کا مقابلہ کرنے اور دہشت گرد تنظیم داعش کو دوبارہ متحرک ہونے سے روکنے کے لیے، کام جاری رکھنے کی اہمیت پر زور دیا۔

#الرياض | سمو وزير الخارجية الأمير #فيصل_بن_فرحان @FaisalbinFarhan يشارك في الاجتماع الوزاري الجانبي لمناقشة مكافحة الإرهاب في غرب أفريقيا، وذلك على هامش الاجتماع الوزاري للتحالف الدولي ضد تنظيم داعش pic.twitter.com/1HKOvFKnLz

— وزارة الخارجية ???????? (@KSAMOFA) June 8, 2023

سعودی وزیر خارجہ شہزادہ فیصل بن فرحان نے دارالحکومت ریاض میں منعقدہ داعش کے خلاف “بین الاقوامی اتحاد” کے وزارتی اجلاس کی میں کہا کہ سعودی عرب جہاں کہیں بھی ممکن ہے، داعش کا پیچھا کرنے کی کوشش کرے گی۔

انہوں نے اس بات پر بھی زور دیا کہ سعودی عرب دہشت گردی اور انتہا پسندانہ نظریات کا مقابلہ کرنے کی ضرورت پر یقین رکھتا ہے اور وہ دہشت گردی کی لعنت کو جڑوں سے اکھاڑ پھینکنے کے لیے مربوط کوششیں جاری رکھے گا۔

سعودی وزیر خارجہ نے داعش کو دوبارہ واپس آنے کے لیے کسی بھی موقع سے فائدہ اٹھانے سے روکنے اور اس کی مالی معاونت کے ذرائع کو ختم کرنے کے لیے کام کرنے کی ضرورت پر زور دیا۔

انہوں نے دنیا کے تمام ممالک پر زور دیا کہ وہ رواداری اور مکالمے کی اقدار کو پھیلانے کے لیے مل کر کام کریں، انہوں نے سعودی عرب کے وژن 2030 پائیدار ترقی میں نوجوانوں کی حمایت اور بات چیت کے طریقوں کو فروغ دینے پر بھی بات کی۔

اس موقع پر امریکی وزیر خارجہ انٹونی بلنکن نے اپنے خطاب میں کہا کہ افغانستان اور کچھ افریقی علاقوں میں داعش کے حملوں میں اضافے پر تشویش ہے۔

انہوں نے کہا کہ عسکریت پسندوں کو شام اور عراق کے کیمپوں میں رکھنے سے تنظیم کے دوبارہ متحرک ہونے کا خطرہ ہے۔