دہشتگردی سے نمٹنے میں دوہرا معیار نہیں ہونا چاہئے، چینی مندوب

اقوام متحدہ (ڈیلی اردو) چینی مندوب نے کہا ہے کہ دہشت گردی سے نمٹنے میں دوہرا معیار نہیں ہونا چاہئے اور دہشت گردوں کی تعریف ذاتی سیاسی مفاد کی بنیاد پر نہیں ہونی چاہئے۔

اقوام متحدہ میں چین کے مستقل مشن کے چارج ڈی افیئرز تائی بِنگ نے کہا کہ اچھے دہشت گرد اور برے دہشت گرد جیسی کوئی چیز نہیں ہے، دہشت گردی کسی بھی مقصد کے لئے کب اور کہاں ہو اور یا اسے کوئی بھی انجام دے، اس کی سختی سے مخالفت کرنی چاہئے اور اسے روکنا چاہئے۔

It is the shared responsibility of the international community to combat terrorism, the common enemy of humanity. There is no place for double-standard in our counter-terrorism efforts.

Amb. Dai Bing at #UNSC on #ISIL.

— Chinese Mission to UN (@Chinamission2un) August 20, 2021

انہوں نے سلامتی کونسل کو بتایا کہ دہشت گردوں کی ذاتی سیاسی مفادات پر مبنی تعریف بنیادی طور پر دہشت گردانہ سرگرمیوں کو قبول کرنا اور بین الاقوامی انسداد دہشت گردی کے تعاون کو شدید نقصان پہنچانا ہے۔

انہوں نے کہا کہ دہشت گردی کے خلاف جنگ کو نظریے کے ذریعے بیان نہیں کیا جا سکتا۔ہم دہشت گردی کو مخصوص ممالک، حکومتوں، نسلی گروہوں یا مذاہب سے جوڑنے کی سختی سے مخالفت کرتے ہیں۔ ہم نسلی اقلیتوں اور مذہبی آزادی کے بہانے دہشت گرد تنظیموں کے بڑھاوے، فروغ اور پرتشدد حملے کرنے کی اجازت دینے کے بھی خلاف ہیں۔