عراق: بغداد میں امریکی سفارت خانہ پر راکٹوں سے حملہ

بغداد (ڈیلی اردو) عراق کے دارالحکومت بغداد کے قلعہ نما گرین زون میں واقع امریکا کے سفارت خانہ پر اتوار کو کاتیوشا راکٹوں سے ایک اور حملہ کیا گیا ہے۔

رپورٹس کے مطابق بغداد میں امریکی سفارت خانے کی جانب تین راکٹ داغے گئے تھے۔ اب عراقی سکیورٹی فورسز میزائل لانچروں کی تلاش میں ہیں جہاں سے گرین زون کی جانب کاتیوشا راکٹ داغے گئے تھے۔

Video of the final moments pic.twitter.com/NhKgdA2BF4

— Sajad Jiyad سجاد (@SajadJiyad) December 20, 2020

سکیورٹی ذرائع کے مطابق امریکی سفارت خانے کے میزائل شکن دفاعی نظام نے ان راکٹوں کو روک لیا تھا، اس کے بعد وہ پھر گرین زون ہی میں گرے ہیں۔

The U.S. Embassy confirms rockets targeting the International Zone resulted in the engagement of Embassy defensive systems. There was some minor damage on the Embassy compound but no injuries or casualties. 1/

— U.S. Embassy Baghdad (@USEmbBaghdad) December 20, 2020

عراقی سکیورٹی فورسز نے امریکی سفارت خانہ پر اس راکٹ حملے کے بعد گرین زون کا محاصرہ کر لیا ہے۔ فوری طور پر کسی گروپ نے اس حملے کی ذمے داری قبول نہیں کی ہے۔

واضح رہے کہ گذشتہ کئی مہینوں سے بغداد کے بیچوں بیچ بہنے والے دریائے دجلہ کے اس پار سے انتہائی سکیورٹی والے علاقے گرین زون کی جانب راکٹ فائر کیے جارہے ہیں۔ گرین زون میں عراقی حکومت کے دفاتر، پارلیمان اور امریکی سفارت خانے سمیت غیرملکی مشن واقع ہیں۔

امریکا ماضی میں ایران کی حمایت یافتہ ملیشیاؤں پر ان راکٹ حملوں کا الزام عاید کرتا رہا ہے۔ تاہم ایران نے ابھی تک امریکی الزامات کے ردعمل میں براہ راست کوئی تبصرہ نہیں کیا ہے۔