قطر: طالبان وفد کا دوحہ میں پاکستانی سفارت خانے کا دورہ

دوحا (ڈیلی اردو) افغان طالبان کے ترجمان کا کہنا ہے کہ طالبان کے وفد نے قطر میں پاکستانی سفیر سے ملاقات کی جس میں افغانستان کی صورتحال اور باہمی دلچسپی اور احترام کی بنیاد پر دوطرفہ تعلقات پر تبادلہ خیال کیا۔

قطر میں طالبان کے سیاسی دفتر کے ترجمان سہیل شاہین نے سماجی رابطے کی ویب سائٹ پر ٹوئٹ میں کہا کہ ‘ملاقات دوحہ میں پاکستانی سفارتخانے میں ہوئی جہاں طالبان کے وفد کی قیادت ان کے سیاسی سربراہ شیر محمد عباس استانکزئی نے کی اور پاکستانی سفیر سید احسن رضا شاہ سے ملاقات کی’۔

2/2
reconstruction of Afghanistan and issues related to facilitating people’s movement at Torkhan and Spinboldak.

— Suhail Shaheen. محمد سهیل شاهین (@suhailshaheen1) September 3, 2021

انہوں نے کہا کہ ‘دونوں فریقین نے انسانی امداد، باہمی دلچسپی اور احترام کی بنیاد پر دوطرفہ تعلقات پر تبادلہ خیال کیا’۔

سہیل شاہین نے کہا کہ ملاقات میں افغانستان کی تعمیر نو اور طورخم اور اسپن بولدک بارڈرز پر لوگوں کی نقل و حمل میں سہولت کے معاملات بھی زیر غور آئے۔

قطر میں پاکستانی سفارت خانے کے اعلامیے میں کہا گیا ہے کہ طالبان سیاسی دفتر کے وفد کے ساتھ افغانستان کی موجودہ صورت حال اور دیگر اہم امور پر تفصیلی بات چیت ہوئی ہے۔ بعد ازاں سید احسن رضا شاہ نے افغان طالبان کے وفد کو عشائیہ دیا۔

Amb Syed Ahsan Raza Shah welcomed 7 member high level TPC delegation headed by H.E Sher Muhammad Abbas Stanakzai at Emb of Pak, Doha. Matters related to latest devs & biltrl interests discussed. It was agreed to continue regular mutual contacts. @ForeignOfficePk @SMQureshiPTI pic.twitter.com/IQhiwyk9XB

— Pakistan Embassy Qatar (@PakinQatar) September 3, 2021

افغان طالبان نے کابل میں حکومت کی باضابطہ تشکیل سے قبل اپنی سفارتی کوششیں بڑھا دی ہیں۔

گزشتہ چند روز کے دوران انہوں نے دوحہ میں جرمنی اور برطانیہ کے سفرا سے بھی ملاقاتیں کی ہیں۔

دوحہ میں برطانوی وزیر اعظم کے خصوصی ایلچی سائمن گاس سے ملاقات کے متعلق طالبان ترجمان کا کہنا تھا کہ ملاقات میں باہمی تعاون کے معاملات پر تبادلہ خیال کیا گیا۔

2/2
mutual relations came under discussion. The UK delegation reiterated that they had already increased their humanitarian assistance and was ready to cooperate with IEA in future as well. The PO delegation welcomed their humanitarian assistance.

— Suhail Shaheen. محمد سهیل شاهین (@suhailshaheen1) September 3, 2021

سہیل شاہین کا ٹوئٹ میں کہنا تھا کہ ‘برطانوی وفد نے زور دیتے ہوئے کہا کہ انہوں نے پہلے ہی انسانی معاونت میں اضافہ کردیا ہے اور مستقبل میں بھی اسلامی امارات افغانستان سے تعاون کے لیے تیار ہے’۔

شیر محمد عباس استانکزئی نے افغانستان کے لیے جرمنی کے سفیر مارکس پوٹزیل سے بھی ملاقات کی اور انسانی تعاون، سیاسی اور سیکیورٹی معاملات پر گفتگو کی۔

جرمن سفیر کے ساتھ طالبان کے وفد نے اقتصادی ترقی اور انسانی تعاون سے متعلق معاملات پر تبادلہ خیال کیا۔

طالبان ترجمان کا کہنا تھا کہ ‘جرمنی کے وفد نے افغانستان کے لیے انسانی تعاون بڑھانے اور اسے جاری رکھنے پر زور دیا’۔