پاک بھارت جنگ بندی ختم ہونے کی کوئی معیاد طے نہیں، بھارتی فوج

نئی دہلی (ڈیلی اردو/ڈی پی اے) بھارتی فوج کے جاری کردہ ایک بیان میں ایسی خبروں کی تردید کی گئی ہے کہ پاکستان اور بھارت کے مابین جنگ بندی کا معاہدہ آج اتوار 18 مئی کے روز ختم ہو رہا ہے۔

بھارتی نیوز ایجنسی اے این آئی کے مطابق، ’’کچھ میڈیا ہاؤسز یہ رپورٹ کر رہے ہیں کہ بھارت اور پاکستان کے درمیان جنگ بندی آج ختم ہو رہی ہے۔ اس کے علاوہ یہ سوالات بھی موصول ہو رہے ہیں کہ کیا آج ڈی جی ایم او سطح کی بات چیت طے ہے۔‘‘

بھارتی فوج کے مطابق پاکستان اور بھارت کے ڈی جی ایم اوز کے مابین آج کوئی بات چیت طے نہیں ہے۔

جنگ بندی سے متعلق جاری کردہ بیان میں کہا گیا ہے، ’’جہاں تک 12 مئی کو ڈی جی ایم اوز کے مابین طے شدہ کشیدگی کے خاتمے کے تسلسل کا تعلق ہے، اس کی میعاد ختم ہونے کی کوئی تاریخ طے نہیں ہے۔‘‘