پشاور میں 9 سال بعد نیشنل گیمز کا آغاز

پشاور (ڈیلی اردو) ملک میں کھیلوں کے سب سے بڑے مقابلے ‘نیشنل گیمز’ پشاور میں شروع ہوگئے ہیں جن میں 10 ہزار کھلاڑی حصہ لے رہے ہیں۔

33 ویں نیشنل گیمز کا قیوم اسپورٹس کمپلیکس پشاور میں آغاز ہوا۔ وزیراعلی خیبر پختونخواہ محمود خان نے گیمز کا افتتاح کیا۔ رنگا رنگ تقریب میں آتش بازی کا شاندار مظاہرہ کیا گیا۔

Chief Minister Khyber Pakhtunkhwa Mahmood Khan was the chief guest of the 33rd National Games Opening ceremony.#NationalGames2019 pic.twitter.com/deIhg273d9

— PTI (@PTIofficial) November 10, 2019

اس موقع پر کور کمانڈر پشار شاہین مظہر، سینئر صوبائی وزیر عاطف خان بھی موجود تھے۔ گیمز میں چاروں صوبوں کے علاوہ آزاد کشمیر، گلگت بلتستان اور اسلام آباد کی ٹیمیں بھی حصہ لے رہی ہیں۔

سابق اولمپئین قاضی صلاح الدین نے شمع روشن کی اور ٹیموں نے مارچ پاسٹ کیا۔ ایس ایس جی کمانڈوز دس ہزار فٹ کی بلندی سے پیراشوٹ کے ذریعے اسٹیڈیم میں اترے۔ اسکول کی بچیوں نے قومی نغمہ پیش کیا۔

Color of peace, harmony & national cohesion at Qayyum stadium on the occassion of 33rd National Games Opening ceremony.#NationalGames2019 pic.twitter.com/hPSkONLbpw

— PTI (@PTIofficial) November 10, 2019

نامور گلوکار سلمان احمد نے بھی دل دل پاکستان نغمہ پیش کیا اور اسٹیڈیم میں موجود لوگوں کا لہو گرمایا۔ نیشنل گیمز میں 60 کھیلوں کو شامل کیا گیا ہے جن میں دس ہزار کھلاڑی اور ساڑھے چھ ہزار اتھلیٹ شرکت کررہے ہیں۔

Highlights of 33rd National Games at Peshawar.#NationalGames2019 pic.twitter.com/PJXEizT1wj

— PTI (@PTIofficial) November 10, 2019

واضح رہے کہ پشاور میں آخری بار نیشنل گیمز کا انعقاد 2010 میں ہوا تھا۔