بلوچستان: چمن میں نامعلوم مسلح افراد کی فائرنگ سے اے این پی کا رہنما ہلاک

کوئٹہ (ڈیلی اردو) صوبہ بلوچستان کے ضلع قلعہ عبد اللہ کے سرجدی شہر چمن میں نامعلوم مسلح افراد کہ فائرنگ سے عوامی نیشنل پارٹی (اے این پی) کا رہنما ہلاک اور ایک زخمی ہو گیا۔

تفصیلات کے مطابق لیویز نے بتایا کہ چمن میں ملزمان نے اے این پی کارکنوں پر فائرنگ کردی، جس کے نتیجے میں کارکن ہلاک اور ایک زخمی ہوگیا۔

لاش اور زخمی شخص کو سول ہسپتال چمن منتقل کردیا گیا۔

یاد رہے کہ آج ہی کوئٹہ کے علاقے سریاب روڈ پر پیپلز پارٹی کے انتخابی دفتر پر دستی بم حملے میں 5 افراد زخمی ہوگئے۔

ٖحکام کے مطابق پولیس نے بتایا کہ دھماکے میں زخمی ہونے والوں کو سول ہسپتال منتقل کردیا گیا۔

گزشتہ روز بلوچستان کے شہر سبی میں جناح روڈ پر پاکستان تحریک انصاف (پی ٹی آئی) کی ریلی کے قریب دھماکا ہوا تھا جس کے نتیجے میں 4 افراد ہلاک اور پانچ زخمی ہو گئے تھے۔