بنوں میں پی ٹی آئی کے صوبائی امیدوار کے جلسہ گاہ سے 10 کلو وزنی بم برآمد

بنوں (ڈیلی اردو) صوبہ خیبر پختونخوا کے ضلع بنوں کے علاقہ خدری ممند خیل میں سابق صوبائی وزیر اور پی ٹی آئی کے صوبائی اسمبلی کے امیدوار ملک شاہ محمد وزیر کے جلسہ گاہ کے قریب بم برآمد ہوا۔

پولیس حکام کا کہنا ہے کہ بارودی مواد برآمد ہونے کیوجہ سے پاکستان تحریک انصاف (پی ٹی آئی) کے حمایت یافتہ امیدوار کا جلسہ مؤخر کردیا گیا ہے۔

پولیس حکام کا کہنا ہے کہ بی ڈی ایس سکواڈ نے جائے وقوعہ پر پہنچ کر بم کو ناکارہ بنادیا، بم ڈسپوزل سکواڈ کے مطابق بارودی مواد 10 کلو گرام وزنی تھا۔

ذرائع کے مطابق بنوں سٹی میں بھی ملک شاہ محمد خان وزیر کے حجرے کیساتھ موٹر سائیکل میں نصب بم دھماکہ ہوا تھا جس میں 2 راہگیر زخمی ہوئے تھے۔