ترکی: تارکین وطن کی کشتی حادثے کا شکار، 6 پاکستانی جاں بحق

نوشہرہ (نمائندہ ڈیلی اردو) غیر قانونی طریقے سے یورپ جانے کی کوشش کرنے والے پاکستانی تارکین وطن سے بھری کشتی ترکی سے یونان جاتے ہوئے سمندر میں ڈوب گئی جس کے نتیجے میں 6 افراد جاں بحق ہوگئے۔

تفصیلات کے مطابق خیبر پختونخوا کے مختلف اضلاع سے بے روزگاری کے مارے روزگاری کی تلاش میں غیر قانونی طریقے سے بیرون ملک جانے والے کشتی کو حادثے کی نتیجے میں نوشہرہ سمیت خیبر پختونخوا کے دیگر اضلاع کے 6 افراد جان بحق ہوگئے۔

غیر قانونی طریقے سے ترکی پہنچنے والے افراد کو کشتی کی زریعے ترکی سے یونان لے جارہے تھے کہ بیچ سمندر میں کشتی کو حادثہ پیش آیا۔

حادثے میں خیبر پختونخوا کے چھ نوجوان جاں بحق ہوگئے، جاں بحق ہونے والے پاکستانیوں کا تعلق نوشہرہ، مردان اور چارسدہ سے ہے۔ نوشہرہ سے تعلق رکھنے والے جاں بحق نوجوان کی لاش نوشہرہ کے تحصیل پبی کے علاقے کوٹلی کلاں پہنچا دی گئی، جس کا نماز جنازہ آج دس بجے ادا کیا جائے گی۔