سندھ: سکھر میں ہندو صحافی کو گولی مار کر قتل کردیا گیا

اسلام آباد (ش ح ط) صوبہ سندھ کے ضلع سکھر میں نامعلوم مسلح افراد نے اقلیتی برادری سے تعلق رکھنے والے ہندو صحافی اجے لالوانی کو گولی مار قتل کردیا۔

نوجوان صحافی اجے لالوانی کو بدھ کی رات صالح پٹ میں گولی ماری گئی وہ مقامی اردو اخبار ’گراف‘ کے لیے بطور رپورٹر کام کرتے تھے۔

ذرائع کے مطابق سکھر کے علاقے صالح پٹ میں نوجوان صحافی اجے لالوانی ایک سیلون پر بیٹھے تھے تو نامعلوم مسلح افراد نے فائرنگ کردی۔

#ALERT
Young journalist Ajay Lalwani dies of wounds after he was attacked this morning.#FreedomNetwork mourns his dear and demands perpetrators of this crime are brought to #justice#JournalismIsNotACrime https://t.co/nGjQTsQCa3

— Freedom Network | فریڈم نیٹ ورک (@pressfreedompk) March 18, 2021

پولیس کے مطابق صحافی اجے لالوانی کو 3 گولیاں لگی جسے وہ شدید زخمی ہوگئے جبکہ نامعلوم مسلح افراد اجے کو شدید زخمی کرکے فرار ہوگئے۔ صحافی اجے لالوانی کو شدید زخمی حالت میں مقامی ہسپتال پہنچایا گیا پر وہ زخموں کے تاب نہ لاتے ہوئے چل بسے۔

ذرائع نے بتایا کہ اجے لالوانی کو باقاعدہ ہدف بنا کر قتل کیا گیا ہے۔