نائیجیریا: مسلح افراد کے حملے میں 2 پولیس اہلکار ہلاک

لاگوس (ڈیلی اردو/شِنہوا) نائیجیریا کی شمالی ریاست جیگاوا میں چند نامعلوم مسلح افراد نے 2 پولیس اہلکاروں کو ہلاک کر دیا ہے۔

جیگاوا پولیس کے ایک ترجمان لاوان شیسو نے پیر کے روز بتایا کہ 2 پولیس اہلکاروں کو اس وقت گولیاں مار کر ہلاک کر دیا گیا جب وہ ایک مدد کی کال پر کارروائی کر رہے تھے ، کال میں اطلاع دی گئی تھی کہ مسلح افراد کے ایک گروہ نے ریاست کے قصبہ کوالام میں ایک شہری کے گھر پر دھاوا بول کر اسے اغواء کر لیا ہے۔

Two police officers were killed by unknown gunmen in north Nigeria’s Jigawa state, local police said on Monday.https://t.co/YLLKFFr2cv

— CGTN Africa (@cgtnafrica) January 24, 2022

لاوان شیسو نے بتایا کہ اطلاع موصول ہونے پر ہم پولیس اہلکاروں کی ایک ٹیم کے ساتھ جائے وقوعہ کی طرف روانہ ہوئے۔ وہاں پہنچتے ہی ہمارا مسلح افراد کے ساتھ فائرنگ کا تبادلہ ہوا اور وہ فرار ہو گئے۔

انہوں نے کہا کہ 2 پولیس اہلکاروں کو مسلح افراد کی جانب سے نذر آتش کی جانیوالی دیسی ساختہ گشتی گاڑی کے نزدیک گولی مار کر ہلاک کیا گیا۔

پولیس ترجمان نے بتایا کہ سیکورٹی ایجنسیاں مغوی کو رہا کرانے اور مسلح افراد کو پکڑنے کیلئے کارروائیاں کر رہی ہیں۔