بلوچستان: ڈیرہ بگٹی کے علاقے سوئی میں دہشت گردوں کی فائرنگ سے 3 فوجی ہلاک

راولپنڈی (ڈیلی اردو) صوبہ بلوچستان کے ضلع ڈیرہ بگٹی کے علاقے سوئی میں سیکیورٹی فورسز کے آپریشن کے دوران فائرنگ کے تبادلے میں پاک فوج کے 3 جوان اور دو دہشت گرد ہلاک ہوگئے۔

#Balochistan: One FC soldier has been killed and 3 others got injured in an attack in Dera Bugti. https://t.co/4EqTpjtclU

— ???? (@cozyduke_apt29) July 12, 2023

پاکستانی فوج کے شعبہ تعلقات عامہ (آئی ایس پی آر) کے مطابق گزشتہ روز سوئی میں آپریشن کے دوران سیکیورٹی فورسز اور دہشتگردوں کے درمیان فائرنگ کا تبادلہ ہوا۔

اس دوران 3 فوجی ہلاک ہوگئے جبکہ جوابی کارروائی میں 2 دہشت گرد بھی مارے گئے۔

اس سے قبل ژوب میں دہشت گردوں کے حملے کے بعد شروع ہونے والا کلیئرنس آپریشن مکمل کرلیا گیا جس میں 5 دہشت گرد مارے گئے۔

واقعے میں 9 سیکورٹی اہلکار بھی ہلاک ہوئے تھے۔ فائرنگ کے بعد سیکیورٹی فورسز نے علاقے میں سرچ آپریشن شروع کردیا تھا۔