خیبر کے علاقے تیراہ میں سیکیورٹی فورسز اور دہشت گردوں کے درمیان جھڑپ ، ایک فوجی ہلاک

راولپنڈی (ک م) صوبہ خیبر پختونخوا کے قبائلی ضلع خیبر میں سیکیورٹی فورسز اور دہشت گردوں کے درمیان فائرنگ کے تبادلہ میں ایک دہشت گرد اور ایک فوجی ہلاک ہوگئے۔

قبائلی ضلع خیبر کی وادی تیراہ کے علاقے مہربان کلے میں دہشت گردوں نے ایف سی چیک پوسٹ پر حملہ کیا، سرکاری ذرائع کے مطابق حملے میں ایک اہلکار زخمی ہوگیا۔ دوسری جانب کالعدم ٹی ٹی پی نے حملے کی ذمہ داری قبول کرلی۔#Tirah #Khyber #Pakistan

— Shabbir Hussain Turi (@ShabbirTuri) August 30, 2023

پاکستانی فوج کے شعبہ تعلقات عامہ آئی ایس پی آر کے مطابق ضلع خیبر کے علاقے وادی تیراہ میں فورسز سے فائرنگ کے تبادلے میں ایک دہشت گرد مارا گیا جبکہ ایک سیکیورٹی اہلکار بھی ہلاک ہوگیا۔

ہلاک دہشت گرد فورسز پر حملوں اور دہشت گردی کی مختلف وارداتوں اور بےگناہ شہریوں کے قتل میں ملوث رہا ہے۔

ترجمان پاک فوج کے مطابق شدید فائرنگ کے تبادلے میں صوابی کے رہائشی 36 سالہ حوالدار منتظر شاہ ہلاک ہوگئے۔

آئی ایس پی آر کا کہنا ہے کہ علاقے میں دہشتگردوں کیخلاف سیکیورٹی فورسز کا سرچ آپریشن جاری ہے۔