پنجاب میں سی ٹی ڈی کی کارروائیاں، اہم کمانڈر سمیت 5 دہشت گرد گرفتار

لاہور (ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) پنجاب نے صوبائی دارالحکومت لاہور سمیت دیگر اضلاع میں انٹیلی جنس بیسڈ آپریشن کے دوران 5 دہشت گردوں کو گرفتار کرلیا۔

سی ٹی ڈی نے پنجاب نے لاہور، بہالپور اور ملتان میں انٹیلی جنس بیسڈ آپریشن کے دوران ایک کمانڈر سمیت 5 دہشت گردوں کو گرفتار کرلیا، گرفتار دہشت گردوں کے قبضے سے بارودی مواد، ڈیٹو نیٹر، موبائل فون، اسلحہ اور نقدی برآمد کرلی۔ ترجمان سی ٹی ڈی#CTD #Lahore #Punjab #Pakistan

— Shabbir Hussain Turi (@ShabbirTuri) July 12, 2023

تفصیلات کے مطابق کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف اضلاع میں کارروائیاں کی، کارروائیاں لاہور ، بہالپور اور ملتان میں کی گئیں۔

سی ٹی ڈی نے انٹیلی جنس بیسڈ آپریشن کے دوران 5 دہشت گرد گرفتار کرلیا، دہشت گردوں میں کالعدم تنظیم کا اہم کمانڈر بخت شیر سمیت شوبن خان، طاہر، صفدر اور خضر حیات شامل ہیں۔

دہشت گردوں کے قبضے سے بارودی مواد، ڈیٹو نیٹر، موبائل فون، اسلحہ اور نقدی برآمد کرکے ان کے خلاف مقدمات درج کر لئے اور تفتیش جاری ہے۔