کراچی میں سی ٹی ڈی کی کارروائی، کالعدم تنظیم کے دو کارندے گرفتار

کراچی (ڈیلی اردو) صوبہ سندھ کے صوبائی حکومت کراچی کے علاقے لاسہ گوٹھ اسکیم نمبر 33 میں کاؤنٹر ٹیررازم ڈیپارٹمنٹ (سی ٹی ڈی) نے کارروائی کرتے ہوئے کالعدم تنظیم کے دو سرگرم کارندوں کو گرفتار کرلیا۔

سی ٹی ڈی نے کراچی کے علاقے کاسہ گوٹھ اسکیم نمبر 33 میں آپریشن کرتے ہوئے کالعدم تنظیم کے دو دہشتگردوں ذاکر حسین اور ضمیر حسین کو گرفتار کرلیا۔#CTD #Karachi #Pakistan

— Shabbir Hussain Turi (@ShabbirTuri) July 6, 2023

سی ٹی ڈی حکام کا کہنا ہے کہ گرفتار ملزمان کالعدم تنظیم کے لیے فنڈز جمع کرنے میں ملوث ہیں، گرفتار ملزمان سے جمع کی گئی چندے کی رقم اور رسیدیں برآمد ہوئیں ہیں۔

گرفتار ملزمان کی شناخت ذاکر حسین اور ضمیر حسین کے نام سے ہوئی ہے۔

حکام کا کہنا ہے کہ گرفتار ملزمان آپس میں سگے بھائی ہیں۔ حکام کی جانب سے انکشاف کیا گیا ہے کہ ملزمان آٹھ سال سے کالعدم تنظیم کے لیے فنڈ جمع کر رہے ہیں۔