کوئٹہ میں نامعلوم افراد کی سرکاری گاڑی پر فائرنگ، 2 لیویز اہلکار ہلاک

کوئٹہ (ڈیلی اردو) صوبہ بلوچستان کے صوبائی حکومت کوئٹہ میں پشین اسٹاپ پر ویگو گاڑی پر نامعلوم افراد کی فائرنگ سے دو افراد ہلاک ہوگئے۔

کوئٹہ میں پشین اسٹاپ پر ویگو گاڑی پر نامعلوم افراد نے فائرنگ کردی، جس کے نتیجے میں ایک شخص موقع پر ہی دم توڑ گیا، جب کہ دوسرے کو زخمی حالت میں اسپتال منتقل کردیا گیا، تاہم وہ بھی دوران علاج زخموں کی تاب نہ لاتے ہوئے دم توڑ گیا۔

پولیس کے مطابق ویگو گاڑی میں اسرار ترین کے بھتیجے اور دکی کی قبائلی شخصیت شہزاد ترین سوار تھے، جب کہ ہلاک ہونے والے شہزاد ترین کے گارڈز تھے۔ ہلاک ہونے والوں میں لیویز اہلکار محمد یوسف اور ڈرائیور ضیاء الدین شامل ہیں۔

فائرنگ کی اطلاع ملتے ہی پولیس کی بھاری نفری موقع پر پہنچ گئی اور علاقے کو محاصرے میں لے کر موقع سے شواہد اکٹھے کر لئے، تھانہ سول لائن کی پولیس مزید تحقیقات کر رہی ہے۔