بلوچستان: چمن میں دہشت گردوں کی فائرنگ سے 2 لیویز اہلکار ہلاک

چمن (ڈیلی اردو)صوبہ بلوچستان کے سرحدی شہر چمن میں لیویز اہلکاروں پر فائرنگ سے 2 لیویز اہلکار ہلاک ہوگئے۔

#Balochistan: 2 Levies personnel have been shot dead in 2 separate incidents by unidentified gunmen in Chaman. https://t.co/YynxkFtvhR

— ???? (@cozyduke_apt29) July 24, 2023

لیویز حکام کے مطابق فائرنگ کا واقعہ چمن کے علاقے کلی احمد میں پیش آیا جہاں نامعلوم مسلح ملزمان نے گشت کرنے والے لیویز اہلکاروں پر فائرنگ کی جس سے ایک اہلکار ہلاک اور دوسرا شدید زخمی ہوگیا جسے فوری طبی امداد کے لیے ہسپتال منتقل کیا گیا۔

لیویز حکام نے بتایا کہ فائرنگ سے زخمی ہونے والا اہلکار زخموں کی تاب نہ لاتے ہوئے دم توڑ گیا۔

لیویز حکام کے مطابق فائرنگ کرنے والے ملزمان لیویز اہلکار کی سرکاری کلاشنکوف بھی لے کر فرار ہوگئے۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔