شمالی وزیرستان میں بم ڈسپوزل اسکواڈ کے قریب خودکش دھماکا، راہگیر میاں بیوی ہلاک

میران شاہ (نمائندہ ڈیلی اردو/ٹی این این) صوبہ خیبر پختون خوا کے قبائلی ضلع شمالی وزیرستان میں ایک خودکش کار بم دھماکے کے نتیجے میں دو افراد ہلاک ہوگئے۔

Another day, another suicide bombing in Pakistan.

Two civilians killed in a suicide bombing in North Waziristan. https://t.co/o13RWbGolE

— FJ (@Natsecjeff) August 7, 2023

سرکاری ذرائع کے مطابق شمالی وزیرستان کے تحصیل غلام خان کے علاقے سیدگی میں بم ڈسپوزل اسکواڈ ٹیم پر خودکش دھماکہ ہوا ہے جس کے نیتجے میں راہگیر میاں اور بیوی ہلاک ہوگئے جبکہ دھماکے میں بم ڈسپوزل اسکواڈ کی ٹیم محفوظ رہی۔

ذرائع کے مطابق دھماکہ اس وقت ہوا جب بم ڈسپوزل اسکواڈ چیکنگ میں مصروف تھا، دھماکے کے بعد سکیورٹی فورسز نے علاقے کو گھیرے میں لیکر سرچ آپریشن شروع کر دیا ہے۔

ادھر شمالی وزیرستان کے تحصیل میرعلی میں بھی نامعلوم دہشت گردوں کی جانب سے پل کو بارودی مواد سے اڑا دیا گیا۔

ذرائع کا کہنا ہے بارودی مواد گاؤں خدی میں زیر تعمیر پل میں نصب کیا گیا تھا جس سے نئی تعمیر شدہ پل مکمل طور پر متاثر ہوئی ہے۔

شمالی وزیرستان کی تحصیل میرعلی میں جمعیت علماء اسلام (ف) کے سوشل میڈیا انچارج جاوید نور داوڑ نامعلوم افراد کی فائرنگ سے زخمی ہوگئے۔ تاہم انکی حالت خطرے سے باہر ہے۔