شمالی وزیرستان میں دہشت گردوں کا حملہ، میجر سمیت دو فوجی ہلاک، ایک شدید زخمی

اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان میں دہشت گردوں کے ایک حملے میں پاک فوج کے میجر سمیت دو فوجی ہلاک ہوگئے۔

شمالی وزیرستان کے علاقے میران شاہ میں دہشت گردوں کے حملے میں میجر سمیت دو فوجی ہلاک ہوگئے۔#Miranshah #NorthWaziristan #Pakistan

— Shabbir Hussain Turi (@ShabbirTuri) September 1, 2023

سرکاری ذرائع کے مطابق شمالی وزیرستان کے صدر مقام میران شاہ کے نواحی گاؤں انغر کے قریب سیکیورٹی فورسز پر دہشت گردوں نے حملہ کر دیا۔ جس کے نتیجے میں پاک فوج کے میجر سمیت دو اہلکار ہلاک ہوگئے۔ جبکہ ایک اہلکار شدید زخمی ہوگیا۔

سیکیورٹی ذرائع کے مطابق دہشت گردوں کے حملے میں ہلاک ہونے والے سیکیورٹی اہلکاروں کی شناخت میجر عامر عزیز اور سپاہی عارف کے نام سے ہوئی ہے۔ حملے میں سپاہی ضیااللہ زخمی بھی ہوا۔

ذرائع کے مطابق سیکورٹی فورسز کی جانب سے جوابی کاروائی پر دہشت گرد فرار ہوگئے جن کی تلاش کیلئے فورسز نے علاقے کو گھیرے میں لے کر سرچ آپریشن شروع کردیا۔